الرحمة لسه عايشة
ناس كتير تعيش حياتها وقلبها مفتوح على اللي حواليها
تحس بالناس قبل ما يتكلموا
وتشوف الوجع في العيون قبل ما يبان في الكلام
تهتم بالمحتاج دون أن يطلب وتحن على المديون وتساعد في جدوله أو دفع دينه
وتبدأ بأهلها لأنهم الأقرب والأحق بالرعاية
ثم يمتد خيرها لكل إنسان طرق بابها أو حتى مر في طريقها
الأحساس بالناس نعمة كبيرة ربنا يزرعها فى قلوب ناس اختصها علشان يكونوا سبب رحمة في الدنيا
مش كل الناس عندها القدرة دى ولا كل القلوب تعرف تسمع غير صوت نفسها
لكن في قلوب اختصها الله باللين
تشيل هم غيرها وتفرح لفرحهم وتتألم لألمهم كأنه ألمها
الاهتمام بالناس مش فلوس وبس أحيانا كلمة طيبة أو وقفة جنب حد مكسور أو دعوة صادقة في ضهر الغيب ربنا لما بيعطى الإنسان إحساس بالغير بيختاره يكون أداة خير
ورسالة أمل للي فقدوا الإحساس بالأمان
الناس دي وجودهم في الحياة رحمة يخففوا القسوة ويزرعوا الطمأنينة ويفكرونا إن الدنيا لسه بخير وإن الرحمة لسه عايشة في قلوب البشر وربنا دايما يجازي الإحساس الصادق حتى لو من غير ما الناس تشوف
بقلم
إيمان سعد بسيونى
الرحمة لسه عايشة
