📁 آخر الأخبار


 مشيتي؟

طب ده بيتنا كان حضنك

وكان سقفنا ستر.. وكان عشنا


مشيتي وسايبة وراكي

صوت ضحكتك في كل ركنة

وهدومك لسه في الدولاب

بتسألني.. هي فين؟


كنتِ شايلة البيت على كتفك

وانا شايل هم الدنيا بيكي

لما زعلتي.. انا اللي اتهدّيت

ولما مشيتي.. البيت مشي


ما قلتيش مالك

ما اديتنيش فرصة أصلّح

خدتي قلبك ومشيتي مرة واحدة

وسيبتي قلبي بيتصلّح فين؟


ده انا لو قصرت.. قولّي قصرت

لو غلطت.. قولي غلطت

انما تمشي وتسيبي الباب موارب

لا انتي برا.. ولا انتي جوا


ارجعي..

السرير سقع من غيرك

والعيال بتسأل عنك

وانا.. بقيت راجل من غير ست

و بيت من غير روح


تعليقات